Si duhet ti trajtojmë komplekset e njeriut

Si duhet ti trajtojmë komplekset e njeriut

Esmeralda Metko

Është shumë e rëndësishme që për jetën tonë të kërkojmë standarte jetese në çdo aspekt .
Është gjithashtu shumë e rëndësishme që të përcaktojmë dinjitetin ,nderin dhe vlerat tona . Nuk është e shkruar në asnjë vend se vlerat dinjiteti dhe nderi i njëriut përcaktohet nga 1.2.3 gjëra ! Nderi ,vlera dhe dinjiteti janë elemente që i përkasin moralit dhe edukatës (familjare dhe shoqërore por edhe vetiake ) .
Komplekset dhe turpi ekzistojnë për të gjitha ato gjëra të cilat ne i konsiderojmë antivlera . Deri para disa vitesh shoqëria shqiptare konsideronte antivlere edukimin seksual tek fëmijët dhe tek të rriturit . Duke kaluar nëpër vitet e demokracisë aty ku supozohet liri dhe dinjitet për secilin prej nesh , shikojme të pasqyruara shumë problematika të shoqërisë të ardhura si pasojë e injorancës që e karakterizon këtë popull .
Edukimi është edukim dhe merr të njëjtën vlerë për çdo formë të të mësuari që do të thotë se dhe edukimi seksual është një lloj edukimi që të jep njohuri në aspektin biologjik , social ,emocional etj për funksionimin e një marrëdhënie seksuale , mënyrën sesi duhet të mësohemi të jetojmë me trupin tonë ,me veten dhe në raport me të tjerët .
Edukimi është vlerë ,edukimi është një mënyrë shumë e hijshme për të zhdukur injorancën e cila ka mbërthyer mendjet e shumë njerëzve të cilët e konsiderojnë veten të ditur por nuk dinë të flasin .
Sot jetojmë në një shoqëri ku prindërit kanë turp të flasin me fëmijën sepse këto gjëra konsiderohen të turpshme !?!?
Sot jetojmë në një shoqëri ku informacioni shtrembërohet në maksimum dhe shndërrohet në tallje për përdoruesit e fjalës së lirë .
Po shkolla !? Çfarë roli ka shkolla në thyerjen e tabuve ? A flasin mësuesit për këto tema lirshëm dhe pa komplekse ? A është i mjaftueshëm dhe shkencor materiali që gjejmë nëpër librat e biologjisë nëpër kapitujt e edukimit seksual ? Pse i marrim këto informacione nga shkolla në klasë të gjashtë ….pse nuk fillojnë të shpjegohen këto tema që në kopësht për fëmijët (sigurisht duke përdorur terminologjinë e duhur )?
Çdokush prej nesh është i aftë të dalë kundra rrymes se mendjeve të prapambetura dhe të krijojë kunderrymen e integritetit në këtë aspekt .
Ndajini gjërat dhe behuni selektiv në jetën tuaj ! Problemet e mëdhaja lindin nga fakti që nuk lexohet ,nuk dëgjohen të tjerët që flasin gjëra me vlerë (por gjithmonë shikohen si shënjestër për t’u gjykuar dhe për t’u ofenduar ) .

0
Would love your thoughts, please comment.x
()
x